2018/11/19

ՀԱՀ

  • Ղեկավար
  • Արմեն Տեր-Կյուրեղյան, նախագահ
  • Հասցե, հեռախոս
  • Հայաստան, 0019, Երևան
    Մարշալ Բաղրամյան պող., 40 շենք
    (Արաբկիր վարչ. շրջան)
    Երկ Երք Չրք Հնգ Ուրբ (09:00-17:45)
    • ընդհանուր տեղեկատվություն` +374-60-694040
  • Վեբ-կայք

Հայաստանի ամերիկյան համալսարանը հիմնադրվեց 1991թ.` Հայ բարեգործական ընդհանուր միության, Կալիֆոռնիայի համալսարանի և ՀՀ կառավարության համագործակցության և աջակցության շնորհիվ: Դասերն սկսվեցին սեպտեմբերի 23-ին` 101 ուսանողի մասնակցությամբ: 

1992թ. ՀԱՀ-ի ուսանողների առաջին խումբն սկսեց իր ընտրած մասնագիտական դասընթացները` գործարարություն և կառավարում, արդյունաբերական ճարտարագիտություն և երկրաշարժակայուն ճարտարագիտություն բաժիններում: Ավելացան նոր բաժիններ  և կենտրոններ, այդ թվում` շրջակա միջավայրի պահպանման հետազոտական կենտրոնը, ճարտարագիտական հետազոտությունների կենտրոնը, անգլերենը որպես օտար լեզու դասավանդման վկայագիր շնորհող ծրագիրը, գործարարության և հետազոտությունների  զարգացման կենտրոնը և հատուկ դասընթացների  ծրագիրը: 
1994թ.  հիմնադրվեց Քաղաքագիտության և միջազգային հարաբերությունների քոլեջը, որն առաջարկում է քաղաքագիտության մագիստրոսի կոչում: 1995թ.  սկսվեց հանրային առողջապահության ծրագիրը` որպես վկայագիր շնորհող դասընթաց:

 
Իրավագիտության մագիստրոսի ծրագիրն աստիճանաբար վերաճեց իրավագիտական ֆակուլտետի: Ստեղծվեց իրավագիտական հետազոտությունների կենտրոնը՝ որպես իրավագիտության ֆակուլտետի բաղկացուցիչ:
Հանրային առողջապահության վկայագիր շնորհող ծրագիրն ընդլայնվելով վերածվեց լիարժեք հանրային առողջապահության մագիստրոսի կոչում շնորհող ծրագրի: Սկսվեց նոր՝ անգլերենը որպես օտար լեզու դասավանդման մագիստրոսի կոչում շնորհող ծրագիրը: 
ՀԱՀ-ի կենտրոնում հիմնվեց Կարո Մեղրիկյանի անվան կանխարգելիչ ակնաբուժության ինստիտուտը: 2001թ.  ճարտարագիտական բաժինը համալրվեց ևս մեկ՝ համակարգչի և տեղեկույթի գիտության մագիստրոսի կոչում շնորհող ծրագրով:
 

Անգլերենի ծրագրերի բաժնում հիմնադրվեց կիրառական լեզվաբանության և լեզվի ուսուցման հետազոտության և զարգացման կենտրոն:

ԲՈՒՀԵՐԻ ԸՆԴՈՒՆԵԼՈՒԹՅԱՆ ԴԻՄՈՒՄ-ՀԱՅՏԵՐԻ ԼՐԱՑՈՒՄԸ ԵՎ ՓԱՍՏԱԹՂԹԵՐԻ ՆԵՐԿԱՅԱՑՈՒՄԸ 

Բուհերի մասնագիտությունների մրցույթին մասնակցելու համար դիմորդը պետք է բուհում լրացնի ընդունելության դիմում-հայտ և ներկայացնի փաստաթղթեր: Դիմորդն ընդունելության դիմում-հայտը լրացնում և փաստաթղթերը հանձնում է այն բուհում, որի մասնագիտությունն ընդունելության դիմում-հայտում նա հայտագրում է առաջինը: 

1. Բուհում ընդունելության դիմում-հայտի լրացման և փաստաթղթերի ներկայացման ժամկետները 

ա/ Մայիսի 5-ից մինչև հունիսի 1-ը (մինչև ժամը 18.00) ընկած ժամանակահատվածում իրենց փաստաթղթերն են բուհ ներկայացնում և բուհում ընդունելության դիմում-հայտ լրացնում՝  հանրակրթական ուսումնական հաստատությունների այս տարվա շրջանավարտները,  հանրակրթական ուսումնական հաստատությունների նախորդ տարվա (տարիների) շրջանավարտները,  նախորդ տարի զորացրված դիմորդները: 

բ/ Հունիսի 25-ից մինչև հուլիսի 2-ը (մինչև ժամը 18.00) ընկած ժամանակահատվածում իրենց փաստաթղթերն են բուհ ներկայացնում և բուհում ընդունելության դիմում-հայտ լրացնում՝  ՀՀ երկքաղաքացի դիմորդները,  այլ պետության քաղաքացիություն ունեցող դիմորդները,  օտարերկրյա ուսումնական հաստատությունները այս ուսումնական տարում ավարտած ՀՀ քաղաքացի դիմորդները,  այս տարի զորացրված (այս տարվա մինչև հուլիսի 31-ը զորացրվող) դիմորդները,  նախնական մասնագիտական (արհեստագործական) և միջին մասնագիտական ուսումնական հաստատությունների այս տարվա շրջանավարտները: 


2. Դիմորդի կողմից դիմում-հայտի հետ միասին ներկայացվող փաստաթղթերը ՝ 

 լուսանկարով տեղեկանք ավարտական դասարանում սովորելու մասին` հաստատված դպրոցի տնօրենի կողմից (նախորդ տարիների շրջանավարտները ներկայացնում են ավարտական փաստաթուղթ` ատեստատ կամ դիպլոմ),  6 լուսանկար (3 x 4 սմ չափսի),  անձը հաստատող փաստաթուղթ (բնօրինակի հետ՝ պատճենը)՝ (անձնագիր, նույնականացման քարտ, ծննդյան վկայական, զինվորական գրքույկ, փախստականի վկայական, Հայաստանի Հանրապետության հատուկ անձնագիր, կացության վկայական): 


Անձնագրի կամ ծննդյան վկայականի բացակայության դեպքում Հայաստանի Հանրապետության ոստիկանության կողմից տրվող՝ անձը հաստատող ժամանակավոր փաստաթուղթ.  ժամկետային զինվորական ծառայությունից զորացրված դիմորդները՝ զինվորական գրքույկ և զինվորական կոմիսարիատից տեղեկանք ժամկետային զինվորական ծառայությունն անցած լինելու, ծառայության վայրի և ծառայողական բնութագրի մասին, իսկ ժամկետային զինվորական ծառայություն չանցած դիմորդները՝ զինապարտության կցագրման գրքույկ (բնօրինակի հետ՝ պատճենը).  ՀՀ կառավարության 26.04.2012թ. թիվ 597-Ն որոշման 105-րդ և 106-րդ կետերով սահմանված արտոնություններից օգտվող դիմորդները ներկայացնում են տվյալ արտոնություններից օգտվելու իրավունքը հավաստող փաստաթղթեր (բնօրինակի հետ՝ պատճենները).  միջազգային և հանրապետական մրցույթների դիպլոմները՝ պատճեններով.  ներբուհական յուրաքանչյուր քննությանը մասնակցելու, ինչպես նաև փաստաթղթերն ընդունելու և ձևակերպելու համար 1500-ական դրամ վճարելու վերաբերյալ անդորրագիրը: 


3. Ընտանեկան անապահովության գնահատման համակարգում հաշվառված ընտանիքի անդամ լինելու դեպքում դիմորդը բուհի ընդունելության դիմումհայտի համապատասխան վանդակում կատարում է նշում: 

4. Բուհերի ընդունելության դիմում-հայտում և փաստաթղթերում փոփոխություններ, լրացումներ կատարելը 

 Մայիսի 5-ից հունիսի 1-ին բուհերի ընդունելության հայտը լրացրած դիմորդը կարող է ընդունելության դիմում-հայտում փոփոխություններ կատարել՝ մինչև տվյալ տարվա հունիսի 1-ը՝ ժամը 18.00, հունիսի 25-ից հուլիսի 2-ին բուհերի ընդունելության հայտը լրացրած դիմորդը՝ մինչև հուլիսի 2-ը՝ ժամը 18.00:  Փաստաթղթերի ընդունման ժամկետը լրանալուց հետո դիմորդների կողմից ներկայացված լրացուցիչ փաստաթղթերը չեն ընդունվում:  Ընդունելության դիմում-հայտը և փաստաթղթերն ընդունման ժամկետի ավարտից հետո փոփոխման ենթակա չեն: